Новины

Новины

1. — новиналар. Рус халқ оғзаки ижодида билина анъаналари асосида янги давр, социалистик тузум воқеаларини акс эттирувчи эпик асарлар. Совет даврида халқ ижодкорлари рус былиналарига хос услубий хусусиятлар, композицион воситалардан фойдаланиб, В. И. Ленин, С. М. Киров, В. И. Чапаев каби шахслар, революция, гражданлар уруши, Улуғ Ватан уруши воқеалари ҳақида асарлар ижод эта бошладилар. Бироқ бундай новиналар бадиий жиҳатдан юксакликка кўтарила олмади. Чунки янги мазмунни анъанавий қолипга солиш, яъни мазмун ва шакл ўртасидаги номутаносиблик новиналардаги бадиий заифликни келтириб чиқарди. Шунинг учун ҳам ҳозирги пайтда новиналар ижод этиш тўхтаб қолган.