Нефт ва газ саноати изоҳли луғати
-
икки геофизик метод ёрдамида олинган эгри чизиқларни ўзаро таққослаш. Бир метод билан чизилган диаграмма дастлаб иккинчи метод б-н чизилган диаграмманинг ўлчаш бирлигига мослаб ўзгартирилади. Ўзгартириш махсус танланган таянч қатламларга асосланиб топиладиган регрессион тенглама б-н амалга оширилади. Н.да маълум шартларга амал қилинади. Биринчидан — иккала метод ҳам фақат бир хил литологик-петрофизик параметр б-н боғлиқ бўлиши керак. Мас., ёнлама каротаж ва нейтрон каротаж методлари ёрдамида чизилган диаграммалар кўрсаткичлари коллекторлар ғоваклигининг ўзгариши б-н боғлиқ параметр. Иккинчидан — Н.да аниқланадиган хусусият танланган методлар кўрсаткичига ҳар хил таъсир этиши лозим. Ёнлама ва нейтрон каротаж диаграммаларига коллекторларнинг нефтга тўйинганлиги турлича таъсир кўрсатади — сувга тўйинган коллекторларга нисбатан ёнлама каротаж бўйича солиштирма электр қаршилиги ошади, нейтрон каротаж кўрсаткичлари ўзгармай қолади. Н., асосан, геологик кесим тавсифларини сифатли (номиқдорий) талқин қилиш имкониятини беради. Бунга коллекторларни ажратиш, тўйинганлик тавсифини баҳолаш ва тоғ жинсларининг литологик таркибини бурғу қудуқ кесими бўйича ўзгариши таалуқли. Газга тўйинган коллекторларни ва газ-нефть контактини Н. бўйича ажратилган.
Мақоладаги хато ҳақида хабар бериш
