Neft va gaz sanoati izohli lugʻati
-
қудуқларни ишлатиш усулларида қўлланиладиган, ер ости ускунасига тааллуқли насос-компрессор қувурлари. Уларни фавворавий, компрессорли, насосли, кўтарувчи ёки лифт қувурлари деб ҳам аташади. Н.-к.қ. сифатида турли гуруҳ мустаҳкамлигидаги (оқиш ёки узилиш чегараси 373 дан 930 МПа гача) пўлат, улоқсиз қувурлар ишлатилади. Уларни шартли диаметри 27 дан 114 мм гача, деворининг қалинлиги 3 дан 8 мм гача ўзгаради. Н.-к.қ. учлари текис ва ташқарига чиққан (тенг мустаҳкамли) бўлади. Учлари текис қувурларнинг узунлиги бўйича диаметри ўзгармайди, шу сабабли, муфтали туташадиган жойларида мустаҳкамлиги бироз бўшашган бўлади. Н.-к.қ. узунлиги бўйича уч гуруҳга бўлинади: I — 5,5 дан 8 м гача; II — 8—8,5 м; III — 8,5—10 м. Н.-к.қ. катта чуқурликларга тушириладиган бўлса катта диаметрлиги юқорида, кичик диаметрлиги пастда жойлашади, зинасимон тузилишга эга бўлади.
Maqoladagi xato haqida xabar berish
