Мусамман

1. Араб, форс-тожик ва туркий халқлар классик поезиясидаги лирик турга мансуб шеър шакли. Мусамман саккиз мисрали бир неча банддан иборат бўлиб, биринчи банд ягона қофияланишга эга, қолган бандларнинг етти мисраси ўзаро, саккизинчи мисраси биринчи бандга қофиядош бўлади: а-а-а-а-а-а-а-а, б-б-б-б-б-б-б-а каби. Айрим мусамманларда биринчи банддан кейинги бандлардаги олти мисра ягона қофияга эга бўлса, еттинчи ва саккизинчи мисралар биринчи банддаги охирги байтнинг такрорланишидан иборат бўлади. Мусамман ўзбек классик шоирлари ижодида кўп учрайди., мусамман

2. Аруз шеърий системасида бир рукн байтда саккиз марта такрорланиб келса, мусамман термини қўлланилади ва бу термин ўша баҳрнинг номига қўшиб айтилади. Масалан, мафоийлун рукни тўлалигича байтда саккиз марта такрорланса, ҳазажи мусаммани солим деб юритилади ва ҳ.к.