МЕЖПЛАСТОВАЯ НАПОРНАЯ ВОДА

МЕЖПЛАСТОВАЯ НАПОРНАЯ ВОДА

1. Қатламлараро босимли сув — икки сув ўтказмайдиган қатлам орасидаги сув сингийдиган жинсларда тўпланадиган, синклинал ёки моноклинал структураларда юзага келадиган сув. Сув сингийдиган қатламлар тоғли районларда ер юзасига чиққан бўлса, атмосфера сувлари уларга сингийди. Сувнинг сингиши ўз оғирлик кучи таъсирида амалга ошади. Сув қатлам қиялиги бўйича жинс ғоваклари орқали пастга қараб ҳаракатланади, ғоваклар ва бўшлиқларни тўлдиради. Ўз ҳаракати давомида бурманинг синклинал қисмидан антиклинал қисми томон кўтарила бошлайди. Натижада босим юзага келади. Сувли қатламнинг шипи ва тагидаги жинслар ўзидан сув ўтказмаганлиги сабабли сув босими вақт ўтиши билан ошиб боради. Агар бундай сувли қатлам бурғу қудуқ ёрдамида очилса, сув сатҳи қудуқ бўйлаб юқорига кўтарила бошлайди, шунинг учун ҳам босимли сув деб аталади. Сувни барқарорлашган сатҳи эса пьезометрик сатҳ дейилади. Қудуқ бўйлаб кўтарилаётган сув унинг оғзидан фаввора бўлиб отилиб чиқиши, баъзан қудуқнинг маълум чуқурлигида тўхташи мумкин. Қ. Артезианский бассейн.