матрица
matritsaматрица
1. тех. Металлургияда: металларга босим билан ишлов беришда тайёрланадиган буюм хомашёси, чала тайёр нусхасини (чўзиб, ёйиб, пресслаб ва ҳ. к.) керакли шаклга кел-тириш учун ишлатиладиган қолип (штамп)-ларнинг иш қисми.
2. полигр. Ҳарф, рақам ёки белгининг чуқур тўғри тасвири туширилган, яъни литералар (ҳарф ёки белгининг бўртма тасвири), ҳарф ёки сатрни қуйиш учун қолип бўлиб хизмат қиладиган металл пластинка ёки тахтача.
Линотип матрицаси. Монотип матрицаси.
3. полигр. Матн ва расмларнинг ботиқ тасвири туширилган, стереотиплар (юқори босма шакллари)ни тайёрлаш, асарларни қайта нашр этиш, кўп нусхали нашрларни турли жойларда босишда ишлатиладиган пластмасса варақ, тахта.
Китобни матрицадан босиш.
Аввал Правда
ва Известия газеталаригина Москвадан олиб келинадиган матрицалардан босилар эди. — И. Шогуломов, Йирик корхона
4. мат. Турли сонлар ва математик ифодалар жойлаштирилган сатрлар ва устунлардан иборат тўғри бурчакли жадвал.
матрица
- ингл: matrix рус: матрица Объект ёки маълумотларнинг икки ўлчовли массиви. Матрица икки ўлчовли тузилма бўлиб, унда ҳар бир элемент ўзининг муайян қатор ёки устунда жойлашиши бўйича аниқланиши мумкин. m қаторлар ва n устунлар сонига эга бўлган матрица mxn матрицаси дейилади. Маълумотларга ишлов берилганда турли вазифалар бажарилади, жумладан, тескарилаш, матрицаларни кўпайтириш амали. Матрицалар нафақат маълумотларга ишлов беришда, балки хотира қурилмалари, матрицавий коммутаторлар, матрицавий процессорлар, матрицавий принтерларни яратишда ҳам ишлатилади. Мантиқий матрицалар ҳам кенг қўлланилади.
Матрица
- Матрица — генетик информация нусхасини олиш учун қолип ёки асос. Бу ДНК нинг полинуклеотид занжири бўлиб, ундан янги нусха олиш учун хизмат қилади.
Матрица
- Матрица, қолип Матрица Matrix,die