маълумотлар базаларини бошқариш тизими (МББТ)
maʼlumotlar bazalarini boshqarish tizimi (MBBT)маълумотлар базаларини бошқариш тизими (МББТ)
- ингл: database management system (DBMS) рус: система управления базами данных (СУБД) Умумий ёки махсус мақсаддаги дастурий ва лингвистик воситалар мажмуи. У маълумотларга ишлов беришнинг қабул қилинган технологияси шароитида маълумотлар базаларини яратиш, уларни марказлаштирилган бошқариш ва уларнинг турли фойдаланувчилар томонидан фойдаланилишини ташкил этишни қўллаб-қувватлашни амалга оширади. МББТ афзалликлари маълумотлардан самарали фойдаланиш, бутунлик, маълумотларни қайта тиклаш, параллелизмни назорат қилиш, шахсийлик ва хавфсизликдадир. МББТ фойдаланувчиларга маълумотлар устида турли амалларни бажариш, жумладан ажратиб олиш, қўшиш, таҳрир қилиш, янгилаш, излаш, тартибга солиш ва ҳисоботларни тайёрлаш имконини беради. Энг машҳур МББТ: Oracle, MS SQL, MySQL ва бошқалар.