мажоритар элемент

мажоритар элемент

1. ингл: majority element рус: мажоритарный элемент Чиқиш дискрет сигнали қиймати унинг киришларида кўпчиликни ташкил этган бир-бирига тенг қийматларга мос объект. Мажоритар элемент ҳам қурилма таркибий қисми, ҳам дастур қисми бўлиши мумкин. Унинг моҳияти шундаки, у тоқ сонли киришларга ва битта чиқишга эга бўлиб, гўё овоз бериш жараёнини акс эттиради. Яъни, элементнинг чиқиш сигнали унинг киришларидаги бир хил сигналлар қийматини акс эттиради. Масалан, учта киришли мажоритар элементнинг иккита ёки учта киришига “бир” берилган бўлса, ушбу элемент чиқишида ҳам “бир” пайдо бўлади. Икки ёки уч киришида “нол”лар бўлса, чиқишда ҳам “нол” бўлади.