Adabiyotshunoslik terminlarining izohli lugʻati
ruscha
-
— лубок адабиёти. Дастлаб Россияда липа дарахти тахтачасига солинган расмларга изоҳ, тушунтириш текстлари тарзида юзага келган китобларнинг бир тури. Лубок адабиёти асарлари XVIII асрнинг охири ва XIX аср давомида кўплаб яратилди. Уларнинг кенг тарқалиб кетишлари учун арзон нарх қўйилар эди. Лубок адабиётида рус ва чет эл классикларининг ҳам асарлари ўзгартирилган, бузилган ҳолда босилиб турар эди. Лубок адабиётининг аксарияти кам маданиятли аҳолига мўлжалланган ишқий ва қизиқарли тарихлардан иборат эди. М. Комаров, А. Филиппов, А. Орлов, И. Гурьянов, Ф. Кузьмичев каби ижодкорларнинг қисса, эртак ва қўшиқлар тўплами ҳам лубок адабиётида босилган. Бироқ аксарият лубок адабиёти аноним характерга эга эди. Ғоявий-бадиий савияси паст, ижтимоий аҳамиятга эга бўлмаган бундай адабиёт рус революцион-демократлари томонидан кўп марта танқид қилинган.
Maqoladagi xato haqida xabar berish
