ЛОКАЛИЗАЦИЯ ПСИХИЧЕСКИХ ФУНКЦИЙ

ЛОКАЛИЗАЦИЯ ПСИХИЧЕСКИХ ФУНКЦИЙ

1. (лат. localis — маҳаллий чекланган) — психик функцияларнинг локализацияси; психик функцияларнинг бош мия ярим шарлари қобиғидаги муайян ҳужайраларнинг иши билан боғланиши. Мас., кўрув анализаторларининг иши асосан мия қобиғи энса қисмининг фаолияти билан боғланган, эшитишники эса чакка бўлаклари билан, тери-туюш ҳамда ҳаракат анализаторлариники эса тепа ва энса бўлаклари билан боғланган ва ҳоказо. Ҳар бир мураккаб психик процесс (ўқиш, ёзиш, ҳисоблаш каб.) нинг негизини муваққат нерв боғланишлари орқали бирлашган бош мия қобиғи участкаларининг биргаликдаги иши ташкил қилади. Шунинг учун ҳам бу участкалардан бирортасининг функцияси бузилса, бутун функционал система жароҳатланади: ёзув қобилияти мия қобиғининг чап чакка соҳасининг, энса соҳасининг ва, ниҳоят, ҳаракат соҳасининг функциялари бузилса ҳам, жароҳатланиши мумкин.