Neft va gaz sanoati izohli lugʻati
ruscha
-
Литологик чегараланган уюмлар — уч ёки ҳамма томонидан кучсиз ўтказувчан жинслар билан чегараланган, ғовакли жинсларда ҳосил бўлган литологик уюмлар. Нефть коллекторлари дарё ирмоғи, ўзани, қирғоқ дўнгликларини ташкил этган қумтош ёки чиғаноқли оҳактошлар, дарзли оҳактошлар, доломитлар, доломитлашган мергеллар ва б.дан таркиб топган бўлиши мумкин. Уларни ўраб турган кучсиз ўтказувчан қалин қатламлар гил, зич оҳактош ёки б. зич жинслардан иборат бўлади. Литологик чегараланган уюмлар ўлчами, одатда унчалик катта бўлмайди. Улар турли структураларда: антиклиналь, моноклиналь ва синклиналь ёнбағирларда учрайди. Нефть, сув ва газнинг жойлашиши алоҳида уюмларнинг структураларида нисбатан жойлашганига боғлиқ. Одатда, нефть, сув ва газ тутқичларда солиштирма оғирлигига мувофиқ жойлашади.
Maqoladagi xato haqida xabar berish
