Нефт ва газ саноати изоҳли луғати
русча
-
Листрик ёриқлар — қандай йўл билан ҳосил бўлишидан қатъий назар чуқурлик сари қияланиб борувчи ёриқлар ва дарзликлар. Листрик сўзи лотинчадан белкурак, куракча деган маънони беради. Айнан шунинг учун Л.ё. Зюсс (1909) таъбирича, айрим куракчасимон ёриқлардан иборат. Л.ё.нинг қия ҳолатда жойлашиши уларнинг муҳим белгиси ҳисобланади, қиялик ер пўстининг реологик хоссаларини вертикал йўналишда ўзгариши ҳамда чўзиқлик бўйича кучланиш ҳолатининг доимийлиги билан боғлиқ. Сейсмостратиграфия маълумотларига асосланиб, Л.ё.га қуйидагича таъриф бериш мумкин: ер пўстининг характерли структура элементи бўлиб, бурмаланиш минтақалари чегарасида қатма-қат тузилишли қоплам ролини ўйнайди, континентал ва океан рифтлари зоналарида эса уларнинг горст-грабенли структураларини белгилайди. Л.ё. суст чеккалар ва сурилмалари структуралар мажмуасининг тузилишида муҳим роль ўйнайди.
Мақоладаги хато ҳақида хабар бериш
