лейтмотив
leytmotivн мус. leitmotif
- (нем. leitmotiv — етакчи мотив сўзидан) — лейтмотив. Автор томонидан илгари сурилган ва бутун асар бўйлаб қайта-қайта уқтирилган асосий фикр, етакчи ғоя. Масалан, Ғ. Ғуломнинг «Сен етим эмассан» шеърининг лейтмотиви совет халқларининг бузилмас қардошларча дўстлиги, уларнинг оғир кунларда ҳамдард, ҳамнафас бўлиши, ота-онасиз қолган гўдакларнинг советлар оиласида ҳеч қачон етим бўлмаслигини таъкидлашдан иборатдир. Шунингдек, совет халқлари ўртасидаги бузилмас дўстлик, қон-қардошлик ғояси Ҳамид Олимжоннинг «Роксананинг кўз ёшлари» асари лейтмотивини ташкил этади. Лирик ҳамда лирик-эпик асарларда лейтмотив эпик асарлардагига қараганда очиқ, конкрет характерга эга бўлиб, ҳамма вақт равшан кўзга ташланади. Лейтмотив термини адабиётшуносликка музикашуносликдан ўтган.