Axborot-kommunikatsiya texnologiyalari izohli lugʻati
-
ингл: laser disk рус: лазерный диск Лазер нури ёрдамида ўқиладиган диск шаклидаги маълумотлар ташувчи. Иккилик саноқ тизимида берилган маълумотлар металл ёки полимер лазер диск устига кучли лазер нури ёрдамида майда чуқурликларга (пит) ва улар орасидаги ўрталикларга (lands) ёзилади. Бироқ, чуқурликлар ва ўрталиклар иккилик кодининг бир ва нолларига мос бўлмайди. Ёзиш диск марказидан четларига ўтказилган спиралсимон йўлкалар бўйлаб амалга оширилади. Битта дискда матн, товуш, тасвир каби шаклларда ахборотларни ёзиш учун мўлжалланган турли форматлардаги йўлкалар (треклар) мавжуд бўлиши мумкин. Шахсий компьютерларда тахминан 650 МБ ҳажмидаги маълумотларни сақлаш имконини берадиган компакт-дисклар (CD) қўлланилади. Ушбу ҳажм стандарт билан тасдиқланган бўлса-да, йўлка ёки питларнинг қалинроқ жойлашишида дискда кўпроқ ҳажмдаги маълумотлар сақланиши мумкин.
Maqoladagi xato haqida xabar berish
