Ахборот-коммуникация технологиялари изоҳли луғати
-
Интернет тармоғида кенг ишлатиладиган сервер дастурий таъминоти йиғмасини англатувчи акроним. LAMP унга кирувчи компонентлар номларининг биринчи ҳарфларидан ташкил топган: - Linux - GNU/Linux операцион тизими; - Apache - веб-сервер; - MySQL - маълумотлар базасини бошқариш тизими (МББТ); - PHP - веб-қўлланмаларни яратишда ишлатиладиган дастурлаш тили. LAMP акроними қуйидагиларни ифодалаш учун ишлатилиши мумкин: - Веб-сервернинг инфратузилмасини; - Дастурлаш парадигмаларини; - Дастурлар пакетини. Дастлаб бу дастурий маҳсулотлар махсус бир-бири билан ишлаш учун яратилмаган бўлсада, бундай боғланиш етарлича оммавийлашиб кетди, бунинг сабаби, аввало уларнинг арзонлигидадир (унинг барча таркибига кирувчи дастурлар очиқ ва Интернетдан бепул юкланиши мумкин). LAMP йиғмаси аксарият GNU/Linux дистрибутивлари таркибига киради ва кўпчилик хостинг компаниялари томонидан тақдим қилинади.
Мақоладаги хато ҳақида хабар бериш
