ЛАБОРАТОРИЯ ГЕОФИЗИЧЕСКАЯ — Геофизика лабораторияси

ЛАБОРАТОРИЯ ГЕОФИЗИЧЕСКАЯ — Геофизика лабораторияси

1. юқори тезликда ҳаракатланиш қобилиятига эга автомашиналарнинг кузовига ўрнатилган ва геофизик ишлар бажарадиган асбоб-ускуналар мажмуаси. Ўлчаш ва қайд қилиш аппаратлари ҳамда таъминлаш манбаидан иборат. Г.л.да бир, уч, етти симли, сирти бронлаштирилган кабеллардан фойдаланилади. АКС/Л-4, АКС/Л-7, АКС/Л-64, ЛКС-7-02, ЛЦК-10-01, АКС/П-65, АЭКС-1500 хиллари мавжуд. Булардан АКС/П-65 автомашинага ўрнатилмаган, бурғу қудуқдан янги иш жойига аравача ёки бошқа техник восита ёрдамида кўчирилади ва иқлими ноқулай майдонларда қўл келади, қолганлари ГАЗ—66, ЗИЛ—130 автомашиналарига ўрнатилган. ЛЦК-10-01 хили рақамли, қолганлари аналог кўринишда маълумотларни қайд этади. Г.л. қуйидаги асосий қисмлардан иборат: 1) ўлчаш схемаси; 2) бурғу қудуқ асбоблари ва аппаратларни таъминлаш манбаи; 3) кучланиш блоки; 4) автоматик регистратор (қайд қилгич); 5) кабелнинг ҳаракат тезлигини, чўзилишини, асбоблар туширилган чуқурликни ва ҳ.к.ларни назорат қиладиган блок. Г.л. ҳозирги пайтда машина бортига ўрнатилган ЭҲМ, математик ва дастурлар билан таъминланган рақамли лаборатория (станция)ларга айлантирилмоқда.