Киносценарий

Киносценарий

1. (итал. scenario, лат. sceana — саҳна сўзидан) — киносценарий, киносценария. Кинофильм яратишга мўлжаллаб ёзилган адабий драматургия асари. Кино асари синтетик характерга эга бўлиб, унда санъатнинг рассомлик, музика, адабиёт, актёрлик, операторлик, режиссёрлик каби турлари биргаликда иштирок этади. Шунинг учун ҳам кинофильм коллектив асар ҳисобланади, чунки уни яратишда турли ижодий соҳа мутахассислари иштирок этадилар. Мана шу мураккаб жараённинг биринчи ва энг зарурий босқичи киносценарийдир.