Кинороман

Кинороман

1. кинороман. Кино санъатидаги алоҳида жанрлардан бирининг киношуносликдаги номланиши бўлиб, бу термин киноновелла, киноповесть каби жанрларга нисбатан сюжет қамрови жиҳатидан фарқланиб туради. Кинороман термини 30-йилларнинг охирида овозли кино асарлари пайдо бўлгач юзага келди. Мазкур термин дастлаб адабий романларнинг экранлаштирилган вариантларига нисбатан қўлланилди. Масалан, А. Фадеевнинг «Ёш гвардия», Михаил Шолоховнинг «Тинч Дон» каби асарлари. Ҳозирги пайтда кинороман термини ўзининг характери жиҳатидан адабий роман жанрига тенг келувчи, бироқ махсус киносценарий сифатида яратилган асарларга нисбатан қўлланилмоқда: «Одамлар ва ҳайвонлар», «Рокко ва унинг оғалари» ва ҳ. к. Кинороман термини экранлаштиришга мўлжалланмаган, аммо киносценарий шаклида ёзилган романларга нисбатан ҳам қўлланилади. Масалан, Г. Маннинг «Лидица» асари ва ҳ. к.