КАРОТАЖ БОКОВОЙ (БК) — Ёнлама каротаж (ЁК)

КАРОТАЖ БОКОВОЙ (БК) — Ёнлама каротаж (ЁК)

1. электр каротаж усули. Бурғ қудуқ деворларига экран электродлардан перпендикуляр йўналтирилган электр токи ёрдамида жинсларнинг зоҳирий электр қаршилиги ўрганилади. Экран электродлари билан ўлчанган солиштирма электр қаршиликка бурғилаш эритмаси ва сингиш зонасининг солиштирма қаршиликлари таъсири кам бўлади. ЁК 3, 7 ва 9 электродли (К.5-расм) зондлар ёрдамида ўтказилади. Уч электродли экранлаштирилган зонд БК-3 (К.5-расм, а)нинг маркази бироз қисқа (узунлиги 0,15 м) бўлиб цилиндр кўринишдаги ток электроди А₀ дан ва унга симметрик жойлашган цилиндрсимон электродлар (А₁ ва А₂) дан иборат. Зонднинг умумий узунлиги 3,2 м. Электродлар ток манбаининг бир қутбига уланади. Ўлчов даврида уччала электрод потенциаллар қиймати бир-бирига тенг қилиб турилади. Электрод А₀ дан чиқаётган ток чизиқлари қудуқ деворларига тик йўналиб, марказий электрод узунлигига тенг ўлчамда қатлам ичига кириб боради. Қатламнинг электр қаршилиги қуйидаги формула орқали аниқланади: ρ_к=KΔU/I₀, бунда ΔU — зонддан анча узоқда жойлашган N — солиштириш электроди ва А₀ электроди орасидаги потенциаллар айирмаси; I₀ — марказий электрод А₀ дан ўтаётган ток кучи; К-зонд коэффициенти, берилган зонд учун ўзгармас қийматга эга ва у АБК-3 зонди учун 0,237 м га тенг. Уч электродли зондлар билан қудуқ деворидан 1—2 м радиусда жойлашган жинслар ўрганилади.