КАПТАЖ ПОДЗЕМНЫХ ВОД

КАПТАЖ ПОДЗЕМНЫХ ВОД

1. Ер ости сувлари каптажи — ер ости сувлари ва намакобларидан фойдаланиш мосламалари системаси. Е.о.с.к. қулай техникавий иқтисодий шароитларда керакли миқдордаги ва сифатдаги ер ости сувлари ва намакобларини олиш имкониятини беради. Е.о.с.к. сув чиқариш иншоотининг техник воситаси, яъни ер ости сувлари ва намакобларидан фойдаланиш қурилмасидир. Булоқ каптажи ва сувли горизонтлар каптажи ажратилади. Ер ости сувларининг ер юзасига табиий чиқиш жойини жиҳозлаш булоқ каптажи деб аталади. Ер ости сувларининг табиий чиқиш жойлари бор-йўқлигидан қатъий назар сувли горизонтлар каптажи қурилади, яъни ер ости сувлари ва намакоблари ер юзасига сунъий равишда чиқарилади. Бундай каптажнинг энг асосий элементи — бурғу қудуғидир. Кўпинча, излов ва қидирув қудуқлари кондан фойдаланиш чоғида ишлатиш қудуғи сифатида ишлатилади. Фаввора бўлиб чиқадиган ер ости сувлари ва намакобларидан фойдаланиш иқтисодий жиҳатдан самаралидир.