Ахборот-коммуникация технологиялари изоҳли луғати
русча
-
ингл: circuit switching рус: коммутация каналов Компьютер тармоқларида маълумотларни узатиш усули. У ҳар бир жуфт фойдаланувчиларга тармоқ каналлари кетма-кетлигини якка тартибда ишлатиш учун тақдим қилишни таъминлайди. Каналларни коммутациялашнинг классик схемасида физик поғона функционал блоклари ва каналларни коммутация боғламаларининг ёки аралаш коммутация боғламаларининг физик жараёнлари иштирок этади. Натижада уланишнинг физик воситалари орқали тўғридан-тўғри коммутация амалга оширилади. Бунда ўзаро ишловчи фойдаланувчи тизимлари ёки маъмурий тизимлар орасида мантиқий каналлар кетма-кетлиги ҳосил бўлади. Улар орқали амалий жараёнлар бир-бирига маълумотлар блокларини узатадилар. Шу йўл билан ҳосил бўлган кетма-кетлик, у орқали ўзаро ишлашдаги бир жуфт фойдаланувчилар томонидан якка тартибда ишлатилади. Каналларни коммутациялашнинг пакетларни коммутациялашга нисбатан ижобий томони шундаки, бу мақсадда ишлатилаётган боғламалар нисбатан арзон тушади. Бундан ташқари, сеанс давомида узатилаётган барча маълумотлар блокларини олувчига боғламалар ва каналларнинг тезлик тавсифномалари билан белгиланадиган, ҳамда вақт бўйича бир хил кечикиш билан етказилади. Бу коммуникация тармоғи орқали нутқни узатишни осонлаштиради.
Мақоладаги хато ҳақида хабар бериш
