KACHESTVENNЫY ANALIZ — Sifatli tahlil

КАЧЕСТВЕННЫЙ АНАЛИЗ — Сифатли таҳлил

1. текширилаётган модда ёки уларнинг аралашмасига кирадиган элементлар, радикаллар, ионлар ва бирикмаларни аниқлаш ва идентификациялаш (тенглаштириш)да қўлланиладиган кимёвий, физик-кимёвий ва физик методлар мажмуи. С.т.нинг муҳим хусусиятларига қуйидагилар киради: 1) ўзига хослилиги (селективлиги), яъни бирор элементни бошқаларидан ажратиб олиш; 2) сезгирлигиги. Бу усул билан элементнинг энг кам миқдорини эритма томчисида (0,01—0,03 мл) аниқлаш мумкин. С.т.нинг ҳозирги усуллари билан 1 мкг гача аниқланади. С.т.нинг кимёвий усуллари билан моддаларнинг оптик, электрик, магнит, иссиқлик, каталитик, адсорбцион ва бошқа хусусиятлари аниқланади. Бунда физик ва физик-кимёвий (инструментал) усулдан кенг фойдаланилади. Кўпинча намунани таркибий қисмларга ажратмай туриб, таҳлил натижаларини узлуксиз ва автоматик равишда ҳисоблаш мумкин. Бу усуллар билан элементларни намунанинг энг кам миқдорида ҳам аниқланади. Органик бирикмаларнинг С.т.ини функционал ва элементли усуллари ҳам маълум.