Синхрон таржима терминларининг изоҳли луғати
-
Матнларнинг жанрий фарқланиши. Матнларнинг жанрий фарқланиши таржима механизми, таржима стратегияси билан бевосита боғлиқ. Бунда таржимон, энг аввало аслият матни конвенцияларини сақлаш керакми, ёки уларни таржима тили конвенциялари билан алмаштириш керакми, деган икки йўлдан бирини танлай олиши керак. Агар аслият матни жанри таржима тилида сўзлашувчи халқ маданиятида учрамаса, таржима инновацион бўлиши мумкин (яъни маданиятда янги жанрга асос солиниши мумкин). Масалан, шарқ шеъриятига хос бўлган ғазал жанри баъзи европа тилларига таржима қилинганда шундай вазият юзага келади. Фақат манба матннинг вазифасини ва унинг манба тилда сўзлашувчи халқ маданиятидаги ўрнини билгач, манба матннинг алоҳида элементларининг аҳамиятини баҳолаш мумкин.
Мақоладаги хато ҳақида хабар бериш
