Adabiyotshunoslik terminlarining izohli lugʻati
-
жирчи. Қозоқ халқ оқинлари ҳамда халқ қўшиқларини куйловчи қўшиқчи шоир. Жирчилар овул ва қишлоқларда тўй, йиғин ва меҳмондорчиликларда халқ оқинлари ижодидан, халқ қўшиқларидан куйлаб берадилар. Шунга кўра жирчиларни икки гуруҳга ажратиш мумкин: 1) ўзгалар томонидан яратилган қўшиқларни куйловчи жирчилар. Бундай жирчиларда бадиҳагўйлик деярли бўлмайди; 2) ўзгалар томонидан яратилган қўшиқларни куйлаш билан бирга, ўзлари ҳам мустақил қўшиқ тўқиб айтувчи жирчилар. Бундай жирчиларда бадиҳагўйлик кучли бўлади, улар халқ поэтик ижодиётини янги асарлар билан бойитиб, ривожлантириб борадилар.
Maqoladagi xato haqida xabar berish
