Adabiyotshunoslik terminlarining izohli lugʻati
ruscha
-
жиров. Қозоқ, қирғиз ва қорақалпоқ халқлари орасида катта эпик асарларни айтувчи бахшилар шу ном билан юритилади. Жировлар жуда катта истеъдодга эга бўлиб, улар тўхтовсиз бир неча кун давомида катта-катта халқ достонларини куйлаб беришдан ташқари, ўзлари ҳам ижод қилганлар. Жировлар ҳам, ўзбек бахшиларига ўхшаб, устоз-шогирдлик муносабатлари асосида етишиб чиққанлар. Ҳозир жиров термини кўпроқ қорақалпоқлар ўртасида қўлланилади. Машҳур қозоқ жировларидан Сипара жиров, Шалгаз жиров ва бошқалар ажойиб асарлар қолдирдилар. Қорақалпоқ жировларидан: Қурбонбой Тожибоев, Есемурод Нурабуллаев, Қуламет Уббиев, Хожамберген Ниёзов, Қияс Хайритдинов ва бошқалар қорақалпоқ халқининг жуда қадимий халқ эпосини ҳозирги кунга қадар етказиб бердилар.
Maqoladagi xato haqida xabar berish
