izolyatsiya

1. Energiya manbaini, energiya oʻtkazuvchi sim, truba yoki xona, asbob kabilarni (masalan, sovitkichni) elektr, issiq, nam, suv va shu kabilar oʻtkazmaydigan material bilan oʻrab, qoplab qoʻyish.

Guttapercha, ayniqsa, suv osti kabellari uchun izolyatsiya materiali sifatida keng foydalaniladi. — Fan va turmush

2. Shunday oʻrama, qoplama, qatlamning, materialning oʻzi.

Qurilish masteri Sodiq Siddiqov, betonchi Kamol Jumayev yogʻoch qipigʻidan isitish izolyatsiyalari tayyorlab, qurilishda qoʻllay boshladilar. — Gazetadan

3. tib.veter. Alohidalash, ajratib qoʻyish.

Izolyatsiya xonasi.

Biz qishlov oldidan brak qoʻylarni ajratib olib, izolyatsiya xonalarida davolaymiz.