ИСПЫТАНИЕ ПРОДУКТИВНЫХ ПЛАСТОВ В ПРОЦЕССЕ БУРЕНИЯ

ИСПЫТАНИЕ ПРОДУКТИВНЫХ ПЛАСТОВ В ПРОЦЕССЕ БУРЕНИЯ

1. Бурғилаш жараёнида маҳсулдор қатламларни синаш — қатламларнинг коллекторлик хусусиятларини аниқлаш, нефть-газга тўйинганлигини баҳолаш, дастлабки дебитини белгилаш, флюидлардан намуналар олиш ва ш.к. бевосита (керн, шлам, қудуқ деворларидан намуна олиш) ва билвосита (каротаж, қудуқ деворини телетасвирга тушириш) маълумотлар олиш мақсадида бажарилади. Б.ж.м.қ.с. МҚБ билан қотирилган ва қотирилмаган ҳамда қувурлари тешилган қудуқларда бажарилади. Маҳсулдор қатламларни очилган чоғида синаш бир қатор афзалликларга эга. Чунки бурғилаш вақтида қатламларга бурғилаш эритмаси кўп таъсир этмайди ва лой қобиқ билан сувалиб қолмайди. Синаш пастдан (пастки қатламдан) юқорига қараб бажарилади. Бу мақсадда КИИ—2 синаш ускунасидан (190—289 мм ли долото билан бурғиланган қудуқларда) фойдаланилади. Унинг ёрдамида флюид оқими юзага келтирилади, ундан намуна олинади, қатлам босими ўлчанади, қатламнинг самарали ўтказувчанлиги ва маҳсулдорлиги аниқланади. КИИ—2 дан фойдаланиб цементли кўприкнинг зичлигини, мустаҳкамлигини, МҚБда цемент оқиб ўтадиган жойларини аниқлаш ҳамда кам маҳсулдор қатламларни ўзлаштириш мумкин бўлади.