ИСКРИВЛЕНИЕ СКВАЖИНЫ ЭЛЕКТРОБУРОМ

ИСКРИВЛЕНИЕ СКВАЖИНЫ ЭЛЕКТРОБУРОМ

1. Электробур билан қудуқни оғдириш — электробур шпиндели ва двигатели оралиғига ўрнатилган махсус оғдириш механизмларидан фойдаланиб қудуқни керакли чуқурликда оғдириш. Электробур билан бурғилашда эгри йўналтиргич ва эгри қувурлар ишлатилмайди, улардан фойдаланиш зарур бўлса, у ҳолда электробурга ток юборувчи қўшимча мосламалар ўрнатилади. Электробурларнинг ҳамма тури ва ўлчами учун оғдириш механизмлари тайёрланади. Улар шпиндель ва двигатель ўқларининг 1,0; 1,5 ва 2,0° га қийшайишини таъминлаши лозим. Электробур билан бурғилашда оғдириш ускуналари жиҳозига долото устига ўрнатиладиган калибрлагичлар, телеметрик система ва ОБҚ киради. Калибрлагичлар ўлчами ва тури бурғилашнинг геологик-техник шароитларига қараб танланади. Электробурнинг телеметрик системаси ёрдамида қудуқнинг бурғилаш жараёнини узлуксиз назорат қилиш мумкин. Телеметрик системадан олинган маълумотлар асосида ҳар 15 м чуқурликда қудуқ азимутини тўғрилаш, оғдириш асбобининг ўрнатиш бурчагини аниқлаш, керак бўлганда зенит бурчаги (± 90°) ва азимутни бир вақтда ўзгартириш мумкин бўлади.