Адабиёцҳунослик терминларининг изоҳли луғати
русча
-
— интим лирика. Самимий дўстлик, муҳаббат, садоқат ва вафони тараннум этувчи шеърий асарлар. Интим лирика пайдо бўлиши жиҳатидан жуда ҳам қадимий бўлиб, дастлаб у икки шахс ўртасидаги ишқ-муҳаббатни, дўстликни мадҳ этишдан иборат бўлса, кейинчалик ижтимоий ҳаётнинг ривожланиши натижасида кенг ижтимоий моҳият касб этди. Чунки икки шахс ўртасидаги ишқ-муҳаббат, дўстлик муносабатлари жамиятнинг ҳукмрон идеологияси, синфий айирмалар, хуллас, давр ва унинг зиддиятларидан ташқарида юзага кела олмас ва яшай олмас эди. Феодализм, капитализм каби синфий антагонизм мавжуд бўлган жамиятда юзага келган интим лирикада ошиқнинг кўпроқ маъшуқанинг жабридан оҳ-нола чекиши давр характери билан изоҳланадиган мотив ҳисобланади. Ҳозирги социалистик жамиятимизда ҳам интим лирика поэзиямизнинг етакчи соҳаларидан биридир. Севиш ва севилиш ҳуқуқларининг эркин, соф муҳаббат асосига қурилганини куйлаш ва улуғлаш бу давр интим лирикасига кўтаринки гражданлик, оптимистик пафос бағишлайди.
Мақоладаги хато ҳақида хабар бериш
