Ахборот-коммуникация технологиялари изоҳли луғати
-
ингл: ring network рус: кольцевая сеть Ўзаги даврий ҳалқа бўлган кабелли локал тармоқ. Бундай тармоқда даврий ҳалқа физик уланишлар воситаси вазифасини бажаради. Ушбу ҳалқанинг ишлаш ишончлилигига бутун тармоқнинг ишлай олиш қобилияти боғлиқ. Моно ҳалқа каналининг узилиши тармоқ фаолиятининг тўхташига олиб келади. Шу сабабли содда ҳалқали канал тармоқ қиймати энг кам бўлиши лозим бўлган ҳоллардагина қўлланилади. Юқори ишончлилик ҳалқа тармоғида қайта уланадиган концентраторли ҳалқа ишлатилади, у тармоқнинг ишдан чиққан қисмларини узиб қўяди. Бундан ҳам юқори ишончлиликни жуфт ҳалқа таъминлай олади, у икки ҳалқадан бири ишдан чиққан ҳолатларда ҳам ишлаш имкониятига эга.
Мақоладаги хато ҳақида хабар бериш
