Axborot-kommunikatsiya texnologiyalari izohli lugʻati
ruscha
-
ингл: hybrid screen рус: гибридный экран Маълумотларни ҳам чиқаришни, ҳам киритишни таъминловчи экран. Гибрид экран махсус жараёнларда масалан, диспетчерлар, сотувчилар, банк хизматчилари бажарадиган ихтисослашган жараёнларда алоҳида катта аҳамият касб этади. Технологиялар орасида қуйидаги икки тамойил кўпроқ ишлатилади. Сиғимли тамойилда, фойдаланувчининг қўл бармоғи экранга чиқарилган тасвир деталларига тегиши билан маълумот киритиш юз беради. Бунинг учун, суюқ кристалли индикаторнинг олд ва орқа томонларидан электр ўтказувчи қатламли шиша пластиналар қўйилади, ён томонда эса электродлар жойлашади. Электромагнит тамойили махсус перо ишлатишга асосланган. Бунинг учун, суюқ кристалли индикаторнинг орқа томонига сезгир панжара ёки магнит контурлари жойлаштирилади. Перо экран қабул қилаётган кучланишни индукциялайди.
Maqoladagi xato haqida xabar berish
