ГАЗОРАСПРЕДЕЛИТЕЛЬНАЯ СТАНЦИЯ

ГАЗОРАСПРЕДЕЛИТЕЛЬНАЯ СТАНЦИЯ

1. Газ тақсимлайдиган станция — газ босимини ундан фойдаланиш даражасигача пасайтирадиган қурилма. Г.т.с. магистрал газузатгичнинг тармоқланадиган жойига (аҳоли яшайдиган қишлоқ, шаҳар ёки объект яқинига, унинг охирги тармоқ участкасига) ўрнатилади. Шунингдек, кондан чиқариб олинган газга ишлов берадиган (қуритиш, чангсизлантириш ва б.); конга яқин аҳоли яшайдиган қишлоқларни газ билан таъминлайдиган; магистраль газузатгичлардан саноат ёки қишлоқ хўжалиги объектларига, шунингдек, шаҳар атрофидаги газузатгичларнинг ҳалқали системасини таъминлайдиган; газузатгичларни тармоқланган жойларида жойлашган назорат-тақсимлаш пунктлари ҳамда аҳоли яшайдиган кичикроқ қишлоқларни, совхоз ва колхозларни газ билан таъминлайдиган магистраль газузатгичларнинг тармоқланган жойига ўрнатилган автоматик Г.т.с.лари бор. Булардан ташқари, газ ростлаш пунктлари ҳам бор. Г.т.с.нинг унумдорлиги 500 минг м³/соатгача.