ГАЗОКОНДЕНСАТНОЕ МЕСТОРОЖДЕНИЕ — Газ-конденсат кони

ГАЗОКОНДЕНСАТНОЕ МЕСТОРОЖДЕНИЕ — Газ-конденсат кони

1. газ конденсати уюми бор кон. Кондаги тоғ жинсларида углеводородлар газсимон ҳолатда бўлади. Қатлам босими камайиши билан углеводородларнинг маълум қисми суюқ ҳолатга ўтади. Г.к. оддий газ конидан газнинг таркибида юқори молекулали углеводородлар мавжудлиги билан фарқланади. Қайнаш температурасига қараб углеводородлар бензин, керосин ва газойл фракциясига ажралади. Мазкур фракциялар қайта буғланиш натижасида газ таркибига қайтадан қўшилиб кетади. Газ конденсатли уюмдан газ олиниш пайтида қатлам босими камайиб кетади. Натижада углеводородли аралашма тўйинган ҳолатга ўтади. Кейинчалик аралашма қуюқлашиб қатламдаги конденсатнинг камайиб кетишига сабабчи бўлади. Конденсатли конлар ишлашининг геологик шароитларини кўрсатувчи асосий белгиларга қуйидагилар киради: а) газнинг бошланғич саноат аҳамиятга молик бўлган захираси; б)уюмнинг ишлаш тартиби; в) конденсатнинг уюмдаги миқдори; г) ишлатиш объектларининг литологик-физик жиҳатдан ҳар хиллиги. Катталиги ва режимлари бўйича газ конденсатли уюмлар газ уюмлариникига ўхшаш бўлинади. Конденсатнинг барқарор миқдорига кўра қуйидаги газ конденсатли уюмлар ажратилади: а) кам миқдорли 60—100см³/м³; б) ўртача миқдорли — 100—200 см³/м³; в) кўп миқдорли —