ФОРТРАН — луғат мақоласи

Ахборот-коммуникация технологиялари изоҳли луғати инглизча

FORTRAN

Энг эски юқори поғонадаги дастурлаш тили. Илмий ҳисоб-китоблар учун мўлжалланган дастурлаш тили. “Формулаларни ўгириш” тили FORTRAN (FORmula TRANslator) 1956 йили Жон Бэкус томонидан IBM корпорацияси учун ишлаб чиқилган. Тилда арифметик амаллар, мантиқий масалалар, рўйхат шаклларини тузиш, иқтисодий ҳисоб-китоблар енгиллик билан бажарилади. FORTRAN тили ҳозиргача мустаҳкам ўринни эгаллаб келмоқда. Чунки у азалдан маълумотларга математик ишлов бериш учун мўлжалланган. Зеро, инсон фаолиятининг бу соҳасида асосий ҳисоблаш алгоритмлари 50 йил аввал қандай бўлса, шундайлигича қолган. FORTRAN тилининг энг оммавийлашган версияларидан иккитаси FORTRAN IV ва FORTRAN 77. 1992 йили учинчи версия FORTRAN 90 тасдиқланди. Унда кўпгина янги элементлар пайдо бўлди, турли платформалар билан уйғунлик таъминланди, матрицалар устида амаллар қўшилди. Айнанлаш аввалдаги 6 белги ўрнига 31 белги билан бажарилади.

Телекоммуникация қисқартмалари луғати инглизча

FORTRAN

Formula Translation/Translator транслятор формул – Фортран формулалар транслятори (узаткичи) – Фортран

Нефт ва газ саноати изоҳли луғати русча

ФОРТРАН

Фортран — программалаш тили. Ф. муҳандислик ва илмий масалаларни ечишга мўлжалланган программалаш тили. Ф. шакли математик формулаларнинг ёзилишига жуда яқин. Ф. алгоритмни операторлар кетма-кетлиги кўринишида тавсиф этади, уларнинг ҳар бири маълум амални бажаради ёки дастурни тузиш учун зарур бўлган маълумотни беради. Ф. дан фойдаланиб киритилаётган маълумотни машина тилига таржима қилиш учун махсус трансляторлар тузилган.