emulsiya
эмулсияemulsiya
1. Bir-birida deyarli erimaydigan ikki suyuqlikning biri ikkinchisida juda mayda tomchilar holida muallaq suzib yuradigan aralashmasi (masalan, yogʻ tomchilarining suvdagi qorishmasi emulsiyadir).
Ekinlarga emulsiyalar purkash. Stanokni emulsiya bilan sovitish.
Ultratovush tebranishlari yordami bilan har xil emulsiyalar hosil qilinadi. — Fizika
2. Fotoplyonka, fotoqogʻoz yoki fotoplastinka betiga surtilgan yorugʻlik sezuvchi qatlam.
emulsiya
1. n kim. emulsion
2. attr. emulsion, emulsive
- emulsiya bo'yog'i emulsion paint
ЭМУЛЬСИЯ
- Эмульсия — суюқ фаза заррачаларининг иккинчи суюқ фазада тарқалган дисперс системаси. Фазалардан бири сув, иккинчиси сувда эримайдиган ёғ. Шунга кўра Э.ларнинг икки тури мавжуд: сувдаги ёғ дисперсиялари (Ё/С) ва ёғдаги сув дисперсиялари (С/Ё). Э.нинг битта фазаси узлуксиз, иккинчиси алоҳида заррачалардан ташкил топган. Э.ни ташкил қилувчи иккала суюқлик ҳам бир-бирида эримайди ва молекулаларининг тузилиш кўрсаткичи бўйича бир-биридан жуда катта фарқ қилади. Суюқликлардан бири қутбли (масалан, сув), иккинчиси — қутбсиз ёки кам қутбли (масалан, органик суюқлик, углеводород, бирикмаси — нефть).