Эллипсис — луғат мақоласи

ҚАРАҚАЛПАҚША – ÓЗБЕКШЕ – ҚАЗАҚША – ТÚРКМЕНШЕ – РУСША ЛИНГВИСТИКАЛÍҚ ТЕРМИНЛЕР СÓЗЛИГИ 24-бет

Эллипсис Эллипсис Эллипсис Эллипсис

Манба: Алламбергенова, Нигора Гúлмурзаевна (2022). ҚАРАҚАЛПАҚША – ÓЗБЕКШЕ – ҚАЗАҚША – ТÚРКМЕНШЕ – РУСША ЛИНГВИСТИКАЛÍҚ ТЕРМИНЛЕР СÓЗЛИГИ. Нукус: НУР ТУРАН ПРИНТ., 24-бет.

Адабиётшунослик терминларининг русча-ўзбекча изоҳли луғати 345-бет

(гр. ellepsis — тушириб қолдириш, етишмаслик сўзидан) — эллипсис. Поэтик синтаксис фигураларидан бири: контекстдан осонгина билиб олинадиган сўзнинг онгли равишда атайлаб туширилиб қолдирилиши. Эллипсис лаконизмни — қисқаликни таъминлайди. Қисқалик эса ёзувчининг айтилмоқчи бўлган фикрни ифодалашда энг зарурий сўзларни сақлаб, қолган ортиқчаларини тушириб қолдира олиш қобилиятига боғлиқ. Бадиий адабиётда эллипсис кўпроқ диалогик нутқда кўринади. Улар халқ мақоллари, ҳикматли сўзлар ва фразеологизмларда учрайди. Масалан: дарё — чопар, чаққон — топар; яхшидан — шарофат, ёмондан — касофат; севги — икки кўзда ва ҳ. к.

Manba: Хотамов, Н.; Саримсоқов, Б. (1979). Адабиётшунослик терминларининг русча-ўзбекча изоҳли луғати. Tashkent: Ўқитувчи., 345-bet.

РУСЧА СИНХРОН ТАРЖИМА ТЕРМИНЛАРИНИНГ ЎЗБЕКЧА ИЗОҲЛИ ЛУҒАТИ 172-бет

– Эллипсис. 1. Берилган нутқ ёки маиший контекстда осон тикланадиган нутқ (жумла) элементининг тушириб қолдирилиши. 2. Жумланинг бирон бир элементи ташлаб юбориладиган услубий шакл (стилистик фигура); у нафақат оғзаки нутқда (телеграф алоқаси, маълумотномалар, луғатлар ва б.), балки расмий ва илмий-техникавий нутқ услубида, шунингдек, публицистика ва матбуот услуби (газета эълонлари, реклама)да кенг қўлланилади.

Manba: Ҳамидов, Хайрулла Худоёрович; Ҳасанова, Шаҳзода Абдужаббор қизи (2020). РУСЧА СИНХРОН ТАРЖИМА ТЕРМИНЛАРИНИНГ ЎЗБЕКЧА ИЗОҲЛИ ЛУҒАТИ. Tashkent: Nodirabegim" нашриёти., 172-bet.