Adabiyotshunoslik terminlarining izohli lugʻati
-
(гр. distichos — жуфт мисра сўзидан) — иккилик, дистих. Антик поэзияда икки мисрадан иборат бўлган банд. Дастлаб кенг қўлланилган иккиликлар элегик дистихлар бўлиб, уларнинг биринчи мисраси гекзаметр, иккинчиси пентаметрлардан иборат бўлган. Худди шу маънода дистих термини фақат Ғарб ва рус шеъриятига нисбатан қўлланилган, холос. Шарқ шеъриятида икки мисрадан иборат нисбий тугалланган фикрга эга бўлган шеърий бандлар байт (қ. Байт) деб аталган. Байт таркибига кирувчи мисраларнинг вазни бир хил бўлган. Бундан ташқари, айрим поэтик мустақил жанрлар борки, улар фақат икки мисрадан иборат бўлади. Масалан, фард жанри бир байтдангина иборат. Ҳозир рус шеършунослигида ҳам, ўзбек шеършунослигида ҳам дистих термини кам қўлланилади.
Maqoladagi xato haqida xabar berish
