Neft va gaz sanoati izohli lugʻati
-
Диэтиленгликоль (ДЭГ) — табиий ва йўлакай газларни қуритадиган абсорбент ва гидрат ингибитори. ДЭГ гликол асосли ингибиторлардан (асосан, этиленгликол — ЭГ, ДЭГ ва триэтиленгликол — ТЭГ) бири, рангсиз (техник навлари оч сариқ). ДЭГнинг кимёвий формуласи $O \langle \begin{array}{l} \text{CH}_2\text{CH}_2\text{OH} \\ \text{CH}_2\text{CH}_2\text{OH} \end{array}$ ёки $(\text{CH}_2\text{OHCH}_2)_2\text{O}$ Молекуляр массаси 106,12, нисбий (сув бўйича) зичлиги 1,117, р=0,1013 МПа босимда қайнаш температураси 518 К. ДЭГ икки атомли спиртлар эфири ҳисобланади, шунинг учун уларда спирт ва эфирларнинг кимёвий хусусиятлари мужассамланган. Сув билан ихтиёрий аралашади, этиленгликолга нисбатан гигроскопикроқ. ДЭГнинг ТЭГдан устуворлиги унинг газда углеводород конденсати бўлганда кўпик ҳосил қилишга кам мойиллигидир. Ўзбекистон газ саноатида газни тайёрлаш, қайта ишлаш ва узатишда ДЭГ кенг қўлланилади.
Maqoladagi xato haqida xabar berish
