БУТАДИЕН (ДИВИНИЛ)

БУТАДИЕН (ДИВИНИЛ)

1. Бутадиен — тўйинмаган углеводород гази. Формуласи $\text{CH}_2\text{=CH}-\text{CH=CH}_2$, ҳидли, рангсиз. $\text{t}_{\text{қай}} = -4,5\text{°C}$ температурада қайнайди, $\text{t}_{\text{қор}} = -108,9\text{°C}$ да эрийди, $420\text{°C}$ да ўз-ўзидан алангланади, $-6\text{°C}$ да зичлиги $650\text{ кг/м}^3$. Ҳаво билан $1,5\div11,5\%$ Б. портлайдиган аралашма ҳосил қилади. Ҳаводаги рухсат этилган концентрацияси $100\text{ мг/м}^3$. Эфир, бензолда яхши, спиртда ёмон эрийди, сувда эримайди. Ҳавода секин полимерланиб пероксидлар ҳосил қилади. Б. табиий газлар ва нефтни қайта ишлашда ҳосил бўладиган газлар таркибидаги бутан ва н-бутеленларни каталитик дегидрирлаш, яъни қисман водородини ажратиб ташлаш йўли билан олинади. Шунингдек, этилен ишлаб чиқаришда, нефть ва газ конденсатининг пиролиз жараёнида этанолни каталитик парчалаб ҳам (С.В. Лебедев усули) олинади. Асосан каучук ишлаб чиқаришда ишлатилади.