БУРОВЫЕ ВЫШКИ — Бурғилаш миноралари

БУРОВЫЕ ВЫШКИ — Бурғилаш миноралари

1. бурғилаш чоғида долотани алмаштириш, бурғилаш қувурларини кўтариб-тушириш, қудуқ деворларини МҚБ билан жиҳозлаш ва бошқа мақсадларда фойдаланиладиган қурилма. Қудуқлар турига, чуқурлигига ва конструкциясига кўра турли техник параметрли Б.м. мавжуд. Б.м.нинг тури, асосан, қабул қилинган қудуқ конструкциясидан келиб чиққан ҳолда танланади. Қудуқларни бурғилашда А туридаги Б.м. ишлатилади, улар панжара шаклидаги металл конструкцияли уч ва тўртқиррали миноралардан иборат. Асосан крест, қўш крест, учбурчак ёки ярим қийшиқ шаклдаги панжаралар мавжуд. Нефть ва газ қудуқларини бурғилашда башня, А — турларидаги Б.м.ларидан фойдаланилади. Уларнинг ВМ—41—М, ВА—41—125, БМВБ—41—200, В—200—41, ВМД—200, ВБ—53—300, ВБА—53—320, ЗВБ—58—300 турлари мавжуд. Масалан, чуқур қудуқларни бурғилашда кўпроқ ВМ—41—М ва ВБ—53—300 туридаги бурғилаш миноралари ишлатилади. ВМ—41—М туридаги Б.м. билан ишлаганда свечаларнинг узунлиги 24—25 м, ВБ—53—300 билан ишлаганда 24—25 м ва 36—37 м бўлиши мумкин.