БУРОВЫЕ УСТАНОВКИ

БУРОВЫЕ УСТАНОВКИ

1. Бурғилаш қурилмалари (дастгоҳлари) — нефть ва газ конларини разведка, ишлатиш ҳамда ер пўстининг юқори қисмидаги қатламлар тузилишини ўрганиш мақсадида қудуқларни бурғилаш учун мўлжалланган қурилмалар. Б.қ. Россияда Волгоград ва Уралдаги заводларда ишлаб чиқарилади. Шунингдек, «Атлас Копко» (Швеция), «Дрессер» (Канада), «Лонгир», «Джой» (АҚШ) ва б. фирмалар Б.қ. ни 500 дан ортиқ моделларини ишлаб чиқармоқдалар ва такомиллаштирмоқдалар. Улар оғир машинасозлик заводида БУ—300 БД, БУ 3000 БЭ, БУ—4000 ДГУ, БУ—4000 ЭУ, «Уралмаш ЗД—76», Уралмаш 4Э—76, БУ—5000 ДГУ, БУ—5000 ЭУ, «Уралмаш—200 ДГ—IV», «Уралмаш—200 Э—IV», «Уралмаш—300 ДЭ», «Уралмаш—300 Э» ва бошқа Б.қ. ишлаб чиқарилмоқда. Уларнинг техник тавсифи Б.4-жадвалда берилган. Б.қ. комплектига қуйидагилар киради: минора, кронблок, тал блоки, крюк блоки, крюк, вертлюг, тушириш-кўтаришни амалга оширадиган механизмлар, ротор, понани пневматик тутиш мосламаси, калит, ёрдамчи лебедка, бурғилаш лебедкаси, гидротормоз, бурғилаш насоси, компенсатор, компрессор ва б. Қудуқлар учун Б.қ.ни танлашда қуйидаги омиллар ҳисобга олинади: 1) қурилманинг техник таснифи: крюкка тушадиган оғирлик, бурғилаш насоси узатадиган босим, асосий электрли узатма қуввати ва тури; 2) ер юзасида ўрнатиладиган ускуналар массаси; 3) бурғилаш минорасини монтаж, демонтаж қилиш ва кўчириш; 4) бурғилаш иншоотларини қуришга кетадиган вақт; 5) бурғилашга сарфланадиган вақт; 6) бурғилаш ишларини ташкил қилиш ва ҳ.к.