Adabiyotshunoslik terminlarining izohli lugʻati
-
— былина шеъри. Рус халқ эпик-қаҳрамонлик қўшиқлари — былиналарга хос шеър шакли. Билина шеъри ўзига хос хусусиятга эга бўлиб, рус халқ шеърининг алоҳида тури ҳисобланади. Бу алоҳидалик, биринчидан, унинг куй воситасида ижро этилиши бўлса, иккинчидан, ҳар бир шеърий мисранинг нисбатан тенг миқдордаги урғуга эга бўлишида кўринади. Мисралардаги урғулар ўрни эса оғзаки нутқ интонациясига мувофиқ тушади ва бу нарса шеърга алоҳида жонлилик бағишлайди. Учинчидан, билина шеъри ҳар қандай ҳолатда ҳам сақланиб қоладиган ўзига хос махсус ритмик тузилишга эга. Масалан, шеърий мисра анапест (қ. Античное стихосложение) билан бошланади ва иккинчи даражали қўшимча урғу олган дактиль билан тугайди. Рус шеършунослигида билина шеъри А. Востоков, М. П. Штокмар ва Л. И. Тимофеев каби олимлар томонидан атрофлича тадқиқ этилган.
Maqoladagi xato haqida xabar berish
