Sinxron tarjima terminlarining izohli lugʻati
-
– Автоматлаштирилган таржима (машинавий таржима). Бу кибернетика фанидаги буюк кашфиёт бўлиб, математик мантиқ асосида тил материалларини дастурлаштиришга асосланган. Автоматик таржима фақат бир маъноли сўзлар ва бир хил грамматик тузилишга эга тиллардан таржимада муваффақият келтириш мумкин. У сўзларни ўз ўрнида таржима қилиб қўяди – кейин улар асосида қайта гап тузиш керак бўлади. Автоматик таржима ижодий таржиманинг ўрнини босолмайди (Қаранг: Машинный перевод). Бадиий матнда сўзлар турли маъно қирраларига эга бўлиши, баъзида луғавий маъноси бир ёқда қолиб, бутунлай бошқа маънода келиши жиҳатидан услубий бўёққа эга сўзларни автоматик таржима қилиб бўлмайди. Масалан, “Букет в благородном вине” жумласини автоматик ёки сўзма-сўз таржима қилганда “Олижаноб винодаги гулдаста” бўладики, бундан бир нарсани тушуниш мушкул. Ижодий таржима орқали эса уни “Соф шароб таъми” деб таржима қилиш мумкин. Ёки рус адиби Г.Марковнинг “Соль земли” романи ўзбек тилига “Ер мағзи” деб ўгирилган.
Maqoladagi xato haqida xabar berish
