Нефт ва газ саноати изоҳли луғати
-
Нефть ва газ йиғилиш зоналари ареоли — нефть-газ йиғилиш зоналарининг структура элементлари билан ифодаланган ҳудудларда ўзига хос кўрсаткичи билан ажратиладиган майдонлар. Бундай зоналарнинг геологик тузилиши ва генезиси нефть ва газ конлари ҳосил бўлиш шароитининг умумийлигидан дарак беради. Н.г.й.з.а. бир неча параллель ҳолатда жойлашган, газ йиғилиши мумкин бўлган антиклиналлар, риф массивлари, алоҳида ёки ҳар хил йўналишда жойлашган кўтарилмалар, узилишлар, номувофиқликлар, туз куббалари ва коллекторларнинг алоҳида-алоҳида тўпламларидан иборат бўлиши мумкин. Газ йиғилишадиган антиклиналь ва кўтарилма зоналаридан ташкил топган ареоллар энг кўп тарқалган. Туз куббалари, қийиқланиш ва узилишли газ йиғилиш зоналари ареоли нисбатан кам. Платформа зоналари баъзан гумбазлар б-н бирлашадилар (Марказий Қорақум гумбази, Ставрополь ва б.).
Мақоладаги хато ҳақида хабар бериш
