Нефт ва газ саноати изоҳли луғати
-
Анилин — ароматик аминларнинг энг оддийси. Кимёвий формуласи $\text{C}_6\text{H}_5\text{NH}_2$, қовушқоқ рангсиз суюқлик, эриш температураси $\text{t}_{\text{эриш}} = -5,89^\circ\text{C}$, қайнаш температураси $\text{t}_{\text{қайн}} = 184,4^\circ\text{C}$, чақнаш температураси $\text{t}_{\text{чақ}} = 79^\circ\text{C}$, $20^\circ\text{C}$да зичлиги $\text{d}_3^{20} = 1,027 \cdot 10^3$ кг/м³, ёруғ синдириш коэффициенти $\text{n}_{\text{D}}^{20} = 1,5863$, $102,8^\circ\text{C}$ температурадаги тўйинган буғ босими 50,90 мм сим. устунига тенг. Сувда ($90^\circ\text{C}$ да 6%), спирт, эфир, ацетон, бензол, хлороформда эрийди. Нитробензолни $280-370^\circ\text{C}$ температурада катализатор ёрдамида водород билан қайтариб олинади (Н.Н.Зинин усули, 1842 й.). А. нефть маҳсулотларини (асосан бензин ва керосинни) детонацияга қарши хусусиятини яхшилашда ишлатилади. Ҳозирги пайтда унинг ҳосилалари — N-метиланилин, монометиланилин, ксилиндан бензинни октан сонини оширишда кенг қўлланилмоқда.
Мақоладаги хато ҳақида хабар бериш
