Adabiyotshunoslik terminlarining izohli lugʻati
-
— Абай шеъри. Қозоқ адабиётининг классиги Абай Қўнонбоев томонидан халқ шеъриятининг нозик ритмик имкониятларидан фойдаланиб яратилган ва ўзига хос қофияланиш системасига эга бўлган, ҳар банди саккиз мисрадан ташкил топган шеър шакли. Бундай шеърий шакл қозоқ адабиётига Абай томонидан киритилгани сабабли Абай шеъри деб аталади. Абай шеърида бармоқ системасининг асосан беш, етти ва саккиз ҳижоли вазнлари қўлланилади, яъни узун шеърий мисралар ё етти, ё саккиз ҳижоли, қисқа мисралар эса кўпинча беш ҳижодан иборат бўлади. Абай ўзи кашф этган бу шеърий шаклда «Сегіз аяқ» номли асарини ёзди. Шунинг учун ҳам Абай шеъри баъзан «Сегіз аяқ» деб ҳам юритилади.
Maqoladagi xato haqida xabar berish
