Нефт ва газ саноати изоҳли луғати
-
2) ҳар қандай майдонда харита масштабига мувофиқ икки гидроизогипс чизиғи баландлиги орасидаги фарқни, улар орасидаги масофага бўлиш орқали ер ости суви оқими қиялигини ҳисоблаш; 3) Гидроизогипс чизиқлари грунт сувларини ер юзасидаги сувлар билан боғлиқлигини аниқлаш имконини беради. Икки кўринишдаги боғлиқлик кузатилади: биринчиси — грунт сувлари ер юзасидаги сувларни таъминлайди, иккинчиси — ер юзасидаги сувлар грунт сувларини таъминлайди; 4) гидроизогипс ва изогипс чизиқлари баландликлари орасидаги фарқ ҳар қандай жойдаги грунт сувлари чуқурлигини кўрсатади; 5) грунт суви оқими сарфи Q қуйидаги формула орқали ҳисобланади: Q = K · B · h · J, бунда: K — сувли қатлам жинсларининг сизиш коэффициенти, м/сутка; B — грунт суви оқими кенглиги, м; h — сув сарфи ҳисобланаётган жойдаги сув оқимининг ўртача қалинлиги, м; J — гидроизогипс харитаси ёрдамида аниқланган грунт суви оқими қиялиги. Грунт сувлари сатҳи ер юзаси рельефини бироз текисланган ҳолатдаги қиясий аксидир, айрим жойларгина (дарё водийлари, жарликлар ва ҳ.к.) бундан мустасно.
Мақоладаги хато ҳақида хабар бериш
