ЗЕВАРДИНСКОЕ ГАЗОКОНДЕНСАТНОЕ МЕСТОРОЖДЕНИЕ

ЗЕВАРДИНСКОЕ ГАЗОКОНДЕНСАТНОЕ МЕСТОРОЖДЕНИЕ

1. Зеварди газконденсат кони. Ўзбекистон Республикаси Қашқадарё вилояти Баҳористон тумани ҳудудида, Қарши шаҳридан 120 км жанубий-ғарбда жойлашган. З.г.к.да дастлабки чуқур бурғилаш ишлари 1963 йилда бошланган бўлиб, 1968 йилда XV горизонтдан саноат миқёсида (524 минг м³/сут) газ оқими олинди. 1976 йилда коннинг газ захираси ДЗКсида тасдиқланди ва шу даврдан бошлаб ишлатиш қудуқлари қазилди, 1978 йили кон ишга туширилди. Конда жами 26 та қидирув ва 85 та ишлатиш қудуқлари бурғиланди. Конни ишлатиш жараёнида олинган янги маълумотлар кон захираларини 1992 йилда қайта ҳисоблаб чиқишга имкон яратди ва бу қайта ҳисобланган захиралар 1993 йилда ЎзР ДЗКсида тасдиқланди. Натижада коннинг саноат тоифасидаги захираси 1976 йилдагига нисбатан 41% га оширилди. Коннинг геологик тузилишида палеозой, юра, бўр, палеоген, неоген ва тўртламчи давр ётқизиқлари иштирок этади. Газ билан тўйинган маҳсулдор қатлам ХУ-ЮР, ХУ-Р ва ХУ-ПР ётқизиқларидан ташкил топган.