ЮЖНО-КЕМАЧИНСКОЕ НЕФТЕГАЗОКОНДЕНСАТНОЕ МЕСТОРОЖДЕНИЕ

ЮЖНО-КЕМАЧИНСКОЕ НЕФТЕГАЗОКОНДЕНСАТНОЕ МЕСТОРОЖДЕНИЕ

1. Жанубий Кемачи нефтгазконденсат кони — Ўзбекистон Республикаси Бухоро вилояти Бухоро тумани ҳудудида, Бухоро шаҳридан 60 км шимоли-ғарбда жойлашган. Кон 1979 йилда қазилган биринчи қидирув қудуғи синаб кўрилганда юқори юра ётқизиқларида саноат аҳамиятига молик бўлган нефть, газ ва конденсат борлиги аниқланган. Нефть захираларининг асосий қисми XV-Р горизонтида, газ ва конденсат — XV-HP горизонтида жойлашган. XV-HP горизонт жинслари литологик таркиби бўйича XV-Р горизонтидагидан фарқ қилмайди, аммо ғоваклик жинслар кесимда нотекис, асосан кичик қалинликдаги қатламчалар мавжуд. Структура риф массиви кўринишини тўлиқ акс эттириб, фақат массивнинг ташқи қиялиги билан боғлиқ бўлган ва унинг чегараси бўйлаб чўзилган тор зоналар билан фарқ қилади. Бу зоналар риф массивларига хос бўлган катта қиялик бурчакларига (40—50°) эга. Риф уюмининг ўлчамлари: узунлиги — 12 км; кенглиги 4—5 км; баландлиги — 140 м. Кесимнинг газга ва нефтга тўйинган қисмининг ўртача ғоваклиги мос ҳолда 0,142, 0,168; газга тўйинганлиги 0,77, 0,69; ўтказувчанлиги 0,275 мкм², 0,5218 мкм². Кондаги нефть смолали, олтингугуртли, парафинли бўлиб, зичлиги 884 кг/м³. Нефть таркибидаги олтингугурт 1,66—2,37 %, асфальтенлар 0,89—2,08%, смола 4,61—13,05%, парафин 4,8—6,33%. Нефтда эриган газнинг таркибида метан 80,15%, карбонат ангидрид гази 3,35%, водород сульфид 0,04%. Юра мажмуасининг қатлам сувларида туз миқдори 90—100 г/л, кимёвий таркибига кўра хлоркальций натрийли, зичлиги 1070—1080 кг/м³. Бошланғич қатлам босими (сув — нефть туташ юзасида) ва ҳарорати (газ қалпоғида) мос равишда 24,6 МПа ва 91°С. Кондан (01.01.02 йилгача) 150,5 минг т. нефть, 34,66 минг м³ йўлдош газ олинган. Эришилган жорий нефть бера олишлик коэффициенти 0,59% га тенг.