Adabiyotshunoslik terminlarining izohli lugʻati
ruscha
-
— кўриниш. Саҳна асарининг кичик бир қисми. Кўриниш саҳна асарининг таркибий бир қисми бўлиб, у ўзига хос тасвир даражаси, қатнашувчи персонажлар таркиби, миқдори каби жиҳатлари билан нисбий мустақиллик касб этади. Чунки, умуман олганда, саҳна асари кўринишлар йиғиндисидан иборатдир. XIX аср рус драматургиясида ҳар бир кўриниш пьеса текстида ҳам алоҳида ажратиб кўрсатилган; уларга махсус тартибдаги рақамлар қўйилган, қатнашувчи персонажлар миқдори кўрсатилган ва ҳ.к. Ҳозир ҳам кўриниш вазифаси ва саҳна асарида тутган мавқеи жиҳатидан ҳеч қандай ўзгаришларга учраган эмас. Бироқ пьеса текстида уларни тартиб рақамлари билан белгилаш ва персонажлар миқдорини ёзиб қўйиш каби ташқи белгилар қўлланилмайди.
Maqoladagi xato haqida xabar berish
